頂角北海道牛奶方包

今次用咗3.6北海道牛奶代替水份搓包,仍然用低溫中種發酵,因為加夠筋粉,所以可以焗到頂角嘞,真係開心.

隔咗一日先切開食,麵包仍然好鬆軟,而且有香味,真係好好食!

自製健康低鈉豉油

有日偶然行入一間賣台灣食品店舖,發現咗呢包釀豉油黑豆,睇吓膠袋後面說明都好容易做,於是就買咗佢番嚟,自己煮健康啲低鈉豉油.

一打開袋口已經聞到好香豆豉同酒味,將黑豆豉加水放入攪拌機打爛,再加適量低鈉鹽,水份,細火煲2.5個鐘.

熄火後用袋隔去豆渣兩次,就可以入樽,但由於無落防腐劑,所以攤凍後要擺係雪櫃,以一豆包份量,大概可以做3支豉油左右(650ml),價錢同買現成差不多,但豆味濃好多,顏色亦深啲,因為係黑豆,而且又可以再調教成甜豉油,辣豉油等, 食完後有機會都會再整.