香茅豬扒撈檬

今日約咗志趣相投朋友嚟屋企,一齊焗麵包,晏晝都係自己整,我同佢都好鍾意食香茅豬扒撈檬,所以今日午餐就係呢款嘞.

豬扒係用咗自己種嘅香茅同埋九層塔醃,味道特別濃,加上用新鮮豬扒,好味到我哋兩個人食哂成兜粉.

至於麵包,今日試吓做咗呢款杏仁醬花生麵包,麵團無加任何油,祗係加咗花生醬代替,而麵包面就搽上杏仁醬,但因為錫紙蓋唔到全面,結果有部份燶咗,但切開仍然好鬆軟,好好食.