似狗骨頭嘅法國長棍

之前係烘焙店買咗法包預拌粉,今日就開工試吓整,但要小心預拌粉內已有鹽混合,所以可以唔駛再另外加鹽,否則會過咸.

今次用咗紅伊士,係特別用嚟係整咸包,但因為焗盤太細,所以影響造型,所以焗完出爐後似狗骨頭多過法國長棍,界紋又淺,外形完全"肥佬",下次應該做兩條好過分3條,,至少個形無咁幼長.

放涼後即刻試吓切開搽牛油食,幸好皮脆肉軟,非常好食,麵包氣孔唔算太大,但都叫做OK囉.