偶然巧遇－年花－花開富貴

舊年三十去街市買餸時，偶然係行邊見到一個阿叔推住單車，用水桶載住幾札百合，有幾個師奶圍住睇，我又走埋去趁熱鬧，阿叔話自己係元朗大棠附近種，佢開價$120/6支，諗起朋友話年27-28買最平都要$280/10支，見到平咁多，就即刻攞起一札有１－２朵花準備開，其他師奶見到就二話不說，搶住俾錢買走，然後再打電話通知奄尖大少唔駛買年花，以往呢個任務係由佢負責。

睇吓年三十晚買番嚟仲係青必必，自己浸水仙亦都未開。

好彩新年幾日天氣回暖，估唔到今日已經全部開得好燦爛，仲滿室清香添，真係機緣巧合呀。