又焗日式芝士蛋糕

主要見到芝士忌廉就快到期,但又唔想做凍餅,所以就再做日式芝士蛋糕,回想開始做呢款蛋糕時,簡直一塌糊塗,好彩而家終於掌握到些少技巧,爐溫等,可以見得人,食得入口喇.

首先餅面無裂開.

蛋糕倒扣後反轉,顏色深咗,食譜話唔駛倒扣,但上次我覺得效果唔係咁好.

我好少食番自己整蛋糕,多數係成個送俾朋友/家人,不過今次無諗住送俾任何人,所以就切一舊食吓喇,味道同蛋糕質感都幾好喎,夠幼滑,其實係我將芝士麵糊過篩兩次,先再加打發蛋白混合,所以真係懶啲都唔得架.