溫故知新-麵包機焗全麥方包

好耐之前朋友用信用卡積分換番嚟麵包機,再轉贈俾我,但我嫌麵包機始終焗出嚟麵包組織,無自己用人手發酵,焗爐咁軟鬆,而且容易老化,但如果唔用,遲早可能壊咗,就更加對老友唔住,所以間中都要攞部機出嚟用吓,今次跟足麵包機食譜上比例,因為上幾次用自己麵包食譜,焗出嚟麵包唔掂.

呢款麵包機好簡單,祗有3種款式,無時間掣,無任何setting.

麵包機好處係可以唔駛洗咁多用具,全部依次序放晒係兜裡面,開掣就差不多攪.

麥包出爐後,稍為攤凍切開麵包組織,睇吓都算OK,因為我嫌程序設定"焗"時間太長,令到麵包外皮又燶又厚,因此用我肉眼監察住,再用竹籤插入,發覺無生麵團黏住,就熄火,所以麵包比較軟熟.