應節提子紅莓乾十字包

復活節快到,而做早餐麵包啱啱食完,所以平時好少整細包,都應吓節整番一次,不過無跟傳統食譜落玉桂粉,都係鍾意用番17小時低溫中種發酵法,上次用麵包機直接法,麵包組織始終唔及中種鬆軟.

最後發酵完成,搽上蛋汁,唧上十字紋,不過焗爐太細,自然焗盤更細,但又唔想分兩盤焗,唔係嫌煩,而係後焗個盤,恐怕發酵過度唔均勻.所以一盤焗晒,迫到好似深水埗籠屋咁.

焗完出爐後,中間個幾個走晒樣,變咗唔係圓包,不過無所謂喇,反正都係食落自己個肚,不過麵包真係鬆軟好多.