馬鈴薯備長炭家事渲染皂

今次特別為咗一個唔鍾意帶膠手套洗碗碟朋友做家事皂,希望幫到佢,另一方面因為買咗個新板間皂模,都想試吓用,所以加咗備長炭粉,而且睇書話如果加入馬鈴薯汁,可以增加清潔力,所以又試吓.

雖然已經搽咗一層花士令係模內再落皂液,但脫模仍然好困難,結果用刀仔旁邊插入先勉強甩到,不過邊位就唔得整齊.

切開睇吓,花紋還算OK喇,不過仍然有待改進,要多啲練習.

豎起開始晾皂喇,4-5星期後先可以攞去俾朋友用.