古法馬拉糕

好耐都無整呢款糕點,因為做法比較繁複,我又唔係咁鍾意食馬拉糕,今次再整都係有朋友佢話鍾意食,明日約咗一齊食晏,咁咪投其所好囉. 今次發麵種時間長,超過12個鐘,第二次發時擺入雪櫃,發到今朝先攞出嚟回溫.

點知蒸完好似變成發糕咁,點解呢?唔通個糕盤太細,向上迫爆咗,或者火力太猛,又或者泡打粉/梳打粉落多咗? 真係唔明.

但好彩切開試食,味道唔錯,馬拉糕好鬆化,有番啲內涵,係樣衰啲啫.