義大利香草包

昨日成班舊同事嚟我屋企BBQ,因為我住頂樓連天台,所以係BBQ最佳地點,為咗招待佢哋,加上佢哋希望試吓我整麵包,所以就準備咗呢麵包.

趁佢哋未來到時,就用舊同事送嘅橄欖油,加自家種Rosemary,雜香草,黑椒,蒜蓉,鹽做咗呢款意大利香草包,仲係包面灑上芝士碎, 結果亦大受歡迎,食到唔停得口.

見差不多齊人就上天台開爐,準備開始BBQ嚕.

點知燒到一半,就開始落雨,但天台又無瓦遮頭,結果各人要一手擔遮,一手揸叉燒野食,真係狼狽,頭髮,衫都濕晒,幸好各人都玩得好開心. 盡興而回.