艾草首烏洗髮皂

之前係淘寶買嘅"亞架力"皂模,可以兩用做直板,橫板渲染都得,所以今次試吓做橫板間渲染,睇吓出嚟效果如何?
上次用佢嚟做直板家事皂,點知等兩日先脫模,好難甩,旁邊都甩到爛晒,今次睇咗有關脫模資料,係皂模頭尾部份先貼上牛油免焗紙再倒入皂液,脫模就用好似甩戚風蛋糕咁,果然容易好多,不過皂比較軟身,加上天氣熱,好似成舊皂都滲油咁.

切去頭尾部份,順住花紋就切成咁樣,祗係艾草粉,首烏粉顏色唔係好強烈對比,不過唔想加色粉,都係自然好啲.

呢張係直紋擺放,效果還算OK.