食物材料可以與打皂共用?

唔學唔知,原來食物材料都可以同打肥皂共用,譬如呢幾款,左上角係香蕉牛奶皂,右上角係日式芝士皂,左下角係士多啤梨乳酪,右下角係玫瑰果蜜糖皂,不同食材入皂就會有不同功效.

榛子橙酒朱古力

今日除咗整英式提子鬆餅,仲做咗呢款簡易又易做榛子橙酒朱古力,我用咗一半85%苦朱古力,一半牛奶朱古力,溶完朱古力後再落橙酒攪勻,面再灑上榛子碎,放入雪櫃雪一個鐘就食得嘞,味道比較苦澀啲,啱我食囉.

英式提子鬆餅

之前曾經試過用lemon soda汽水整scone,但發覺雖然比較健康,但較為硬身,無乜香味,所以今次轉試用英式傳統做法,即係有牛油,酸忌廉,蛋,糖,泡打粉,仲自己加埋忌廉芝士,一焗完出爐已經好香.

趁稍為攤凍後,切開搽上自製藍莓果占食,外脆內軟,真係好味到唔停得口呀,不過明知好味代價係高脂肪,膽固醇,所以會分甘同味,送啲俾朋友試吓,絕對唔會獨食架.