又嚟encore奶凍

自從上次整芒果雲尼拉奶凍,估唔到簡單易做又受歡迎,昨日中學同學回港探親,相約聚舊,於是又再整奶凍,請佢哋食甜品,最下面個兩杯加咗抹茶粉俾一個唔鍾意食奶類嘅朋友食.

今次加咗自家製士多啤梨果醬,酸酸甜甜,中和咗奶凍味道.

蜜紅豆同抹茶奶凍係最佳拍檔.

今日老友到訪,就準備咗個簡單青瓜雞絲麻醬冷麵, 一齊撐枱腳,之後再一人一杯芒果粒滿到瀉奶凍,咁已經好滿足,人生一樂事也.