今日飯後甜品-椰汁紅豆西米露

祗係將整砵仔糕剩低紅豆,加埋西米,椰汁,椰糖漿攪勻,就成為今日飯後冰凍甜品,所以賣甜品其實好好賺,不過香港租咁貴,可能已經抵銷咗喇.

久違紅豆砵仔糕

真係好耐無整過砵仔糕,見到仲有啲紅豆剩低,於是就用咗佢,費是擺係度生"谷牛".
以前買落整砵仔糕瓦碗仔,打爛咗幾個,所以今次用星星矽膠模.

果然非常容易甩模,少甜多紅豆啱我口味.

生煎豉油王蝦碌

休魚期剛過咗, 見到有生猛游水花蝦賣,價錢都唔太貴,所以買番嚟整咗呢味簡單嘅生煎豉油王蝦碌,味道鮮而肉質彈牙,果然游水嘅蝦寧舍不同.
買番嚟仲要剪蝦腳,去沙囊,工夫比較多.

經過一輪工夫,終於有得食嘞,自己整好味又食得放心.