藍莓果醬made by麵包機

焗完藍莓紐約芝士餅後,有藍莓剩低,諗起新麵包機有做果醬程式,於是就用佢嚟整果醬,其實原理不外乎一邊攪,一邊加熱煮至杰身,所以成品無問題,但估唔到果醬汁攪打時,濺到機身內部和頂蓋四圍都係,結果要抹餐死,以後都咪攪喇...

藍莓紐約芝士焗餅

呢款蛋糕幾年前學完之後,未試過自己整,因為我覺得芝士味比較濃,但明日有聚會,所以試吓整, 做法好容易,不過要有耐性慢火蒸焗,效果會好啲,而且卡路里好高,祗可以淺嘗.
除咗餅面裝飾有藍莓,中間夾層亦放入藍莓一齊焗,可以減輕肥膩感覺.