香芽羅勒南瓜炆雞

由於南瓜淡而無味,所以乘機用咗自家種香茅,羅勒一齊炆,但估唔到呢隻南瓜好容易淋,結果炆完變咗南瓜茸,用筷子夾都夾唔起.

又嚟椰汁南瓜糯米糍

估唔到咁快又再整呢款甜品,事緣今朝同老友約明日食晏,佢指定要求要食呢款糯米糍,見到屋企有材料,一於開工做喇.

今次係麻蓉餡,但由於即刻整即時包,麻蓉餡雪得唔夠實,開始包個一兩隻,啲餡流晒出嚟,祗好再將饀料放入冰格冷藏一陣至硬身,先順利完成,味道都唔錯.