荷葉糯米雞

見到朋友post咗佢嘅製成品係FB,覺得幾有新意,於是自己又試吓整, 首先將2/3糯米+1/3粘米浸軟身,將切碎櫻花蝦爆香,加入冬菇粒,蔥粒,蒜蓉,紅蔥頭,最後加入糯米兜勻,再蒸熟.

將雞身裡外用鹽,玫瑰露,老抽搽勻醃4-5個鐘,再塞入蒸熟糯米飯,外面包上已浸軟身荷葉,蒸約45分鐘度.

蒸好打開荷葉.

切開攞出糯米飯再將雞斬件,就可以開飯嚕...,糯米飯好好味,而雞又剛剛熟,好嫩滑,正!