滋潤保濕晚霜

老友用完我做俾佢面霜,佢又想自己DIY,所以今日嚟我屋企學做晚霜,當然材料份量我事前已經預備好,佢祗係跟步驟去做就完成,材料包括有: 玫瑰花浸泡橄欖油,酪梨油,卵磷脂,Vita E,金縷梅花水,海澡萃取液,甘油,伊蘭伊蘭精油等.

是日午餐-鹵水牛踺_牛筋撈麵

今日朋友嚟我屋企學做面霜,諗起佢鍾意食鹵水牛踺,所以隔日整好,今日晏晝就撈蝦子麵+菜,就食得,因為用咗新鮮牛筋,牛踺,所以真係有牛鮮味.

電飯煲-海味煲仔飯

睇落去好似好簡單一煲過,唔駛再煮其他餸,但其實預備工夫都幾多,譬如要早一日浸透江瑤柱,蠔豉,冬菇,再隔水蒸淋,切粒,臘腸亦需要切粒,黃鱔拖水後切絲用蒜蓉,酒爆香,蝦仁去殼切粒,放入飯煲之前,再用鑊爆香所有材料,飯差不多收乾水之前,放入焗,最後加入適量煲仔飯豉油就食得,材料豐富,又夠乾身,好好味呀!