DIY開心快活人
標籤
人生篇
(5)
口金包併布
(33)
中式包
(46)
自煮得其樂
(40)
西式麵包
(177)
我喜愛的歌曲
(1)
烹調課
(85)
蛋糕甜品
(126)
種植篇
(12)
編織
(8)
優遊自在篇
(87)
點心雜項
(313)
DIY 護膚品 手工皂篇
(60)
2012年12月31日 星期一
健康版上海粗炒
我好少係上海鋪叫呢樣,因為超多油,非常肥膩,但自己炒就可以控制落油,而且仲多菜,少肉添,味道雖然無上海鋪咁濃味,但都唔錯架.
2012年12月30日 星期日
冬日美食-甜薄撐
好耐之前已經想整嚟食,但一直懶洋洋,提不起勁,見今日
咁凍天氣,下晝最適宜食熱辣辣甜品,即整即捲嚟食,加
上自家炒芝麻,花生糖餡,正!
2012年12月28日 星期五
生拆蟹肉蒸蛋
係街市見到有一堆紅花蟹拑賣,於是嘗試自
己蒸熟再拆肉,加埋蒸蟹蟹汁,紹興酒,混入蛋液一齊蒸,
好鮮甜,好味道!!!!
黃梅杏仁蛋糕
聖誕前夕無乜好做,又唔想出街同人迫,諗起之前整黃梅果醬,於是整幾個小蛋糕,加入果醬平衡番牛油肥膩感覺,唔錯!
2012年12月21日 星期五
Panettone
應節 Panettone-每年聖誕節都會做一次,用咗兩個月
之前已用RUM酒浸透入味乾果粒,焗完酒味消失晒,祗剩
番香味,好食!
2012年12月17日 星期一
南瓜布甸
好耐之前已經想整呢款甜品,前幾日買餸時,見到有迷你南瓜賣,即刻買番一個開工做布甸.
原隻蒸熟,可惜蒸得太熟,外皮好稔.
好處係好容易將瓜蓉刮出,再同埋椰汁,淡忌廉,魚膠溶液,砂糖混合,過篩,再倒番入瓜中,雪凍就食得.
雪咗約5-6個鐘,切成4塊就食得嚕....
,味道唔錯,幾好食架.
2012年12月16日 星期日
新鮮黃梅(杏)果醬
新鮮黃梅(杏)果醬-好少係街市見到有,忍唔住買咗兩磅
整果醬,而核剥開去衣後就係杏仁,將杏仁打爛加糖,變成
杏仁茶,好濃郁杏仁味.
2012年11月14日 星期三
芝麻奶凍
之前買芝麻粉想盡快用完晒,見今日整開奶凍,順便加啲落去,等佢有香味.
2012年11月13日 星期二
自家蒸健康芝麻饅頭
因為奄尖大少每晚都要食啲澱粉質食物幫助入睡,但係如果晚晚食餅乾會好熱氣,於是唯有密密蒸饅頭俾佢食,今日加咗芝麻粉成為芝麻饅頭.
2012年11月9日 星期五
自製柑蜜
偶而行超市,
見到特價就買嚟整果蜜,其實而家天氣乾燥,
用嚟沖水飲都好正,又可以當果醬搽麵包,一舉兩得.
一包4個,共$4.4
剝開果皮,將果肉撕去根膜,要淨肉.
果皮浸軟身,刮去白色內衣唔要,再將果皮切碎.
加砂糖,麥芽糖,檸檬汁煮至杰身,就可以倒入已經消毒樽內.
2012年11月8日 星期四
健康全麥饅頭&方包
全麥方包係for自己每日早餐.
至於全麥饅頭
係
做俾我家大人,希望佢食得健康啲
2012年11月4日 星期日
健康飲料-自家浸泡紅茶菌
近日得到朋友介紹,並慷慨送贈紅
茶菌種,前後6日已經飲得,味道係微酸,但經過分解後已
經無乜紅茶味,好似飲汽水咁.
朋友送贈紅茶菌種,其實唔駛太多,我祗用咗一塊,一開二剪開浸兩樽已足夠,稍後菌種浸在紅茶糖水中會在上面增生新菌種.
用透氣紗布封口,橡筋紮好蓋口,放係室溫,經過6日後,整個室內已經彌漫酸宿味,打開蓋口後,見到好多氣泡,亦有新一片菌種黏貼係舊菌種上.
撈起菌種,舊個塊掉棄,祗留低新個塊繼續用作浸新紅茶菌,將紅茶菌液過濾後就可以飲用,味道微酸,似飲汽水,不過紅茶糖水經分解後已經無晒紅茶味.
2012年11月3日 星期六
牛奶饅頭
今早
我家主人要求我去開街市,順便幫他買饅頭,但外面買回來,麵粉漂白過,又加膨脹劑令饅頭鬆軟,食得多對健康不大好,於是我就特別為他製作好了,雖然很短時間,用直接法即做,幸好仍然發得不錯.
準備作最後發酵中
眨眼之間已經蒸好出爐,今次來回用力碌咗好多次,所以表面都OK,無太大泡泡.
切開裡面都發得不錯,即食一個,味道組織合格喇.
2012年10月28日 星期日
Encore酥炸鳳尾魚
屋企有人食過番尋味話要再整,唔
駛我郁手,又有得食,我當然唔反對喇.
健康藍莓合桃麥包
近排收到唔同親友去完旅行番嚟送俾我手信,包括有藍莓乾,合桃,順便就攞嚟焗咗呢款麵包.
2012年10月22日 星期一
今日下午茶點-日式芝士蛋糕
天氣無咁熱,開始有番啲心情整野食,見咁耐都無整過蛋糕,一於焗番個自己鍾意食日式芝士蛋糕,可惜唔記得中途降低一格,同埋爐溫,結果就
....糕面變成火山爆發囉.
幸好唔影響到蛋糕組織&味道,仍然好好食.
2012年10月18日 星期四
法包
基本上係屋企用家庭式焗爐,無蒸汽,又無石板,好難做得好
標準法包,我都唔例外,祗係盡力而為, 今次用咗日本名廚西川功晃食譜,不過無用酵頭,而改用打好麵團後,以17小時低溫發酵,翌日早上再從雪櫃攞出嚟室溫回暖約個半鐘,切割後再靜置30分鐘做型,最後發酵40分鐘,然後切割痕,而焗包方法就參考另外一個方法,噴水3-4次後,加入一盤熱水,隨即熄火5-7分鐘,令介紋爆得好啲,再開爐焗多7分鐘.
因為無雙"S"模具,主要係焗爐太細,唔啱用,結果底部唔夠脆,要再番焗包底.
切開睇吓麵包組織都算合格,而勉強叫做皮脆肉軟,但離標準就差好遠,無法解決,除非再買石板同雙"S"模可能會好些喇.
2012年10月15日 星期一
自製越南札肉
我由細到大都好鍾意食越南札肉,可惜係香港好
難食到正宗札肉,見網上有食譜教人整,梗係要試吓整喇.
打好一盤肉漿,豬肉+雞脾肉各半,不過打到部高速攪拌機差啲消埋.
雪凍後用烘焙紙捲起
再將捲起肉漿塞入空鐵罐&汽水罐中攞去蒸熟
拆開鐵罐,汽水罐倒出札肉卷攤凍
切開一小塊試味,發覺黑椒太辣,肉質因為家庭攪拌機,始終不及買番嚟札肉軟滑,又唔彈口,原食譜無話要撻,下次自己一定要加多呢個程序再改良吓至得.
2012年10月13日 星期六
酥炸鳳尾魚
講明今日大廚唔係我,而係奄尖大少,佢去街市買生果之餘,順便買咗一兜鳳尾魚番嚟,自己一手一腳,由劏魚,整炸漿,炸魚都係佢自己一條友攪掂,我無幫拖架.
唔想太咸,祗係落咗胡椒粉,少許豉油,略為撈勻就算.
正在炸魚中,慢火少油慢慢炸會脆啲.
其實一邊炸一邊食,兩個人都食咗至少4-5條,再加埋呢一大碟,成本都係$20左右,真係抵到爛.
2012年10月12日 星期五
又嚟生果酵素
繼上次整完提子,蘋果後,又想再試其他生果,今次整嘅係士多啤梨&橙.
第一日入樽
第14日後可以隔渣,泌出汁液
唔知係咪減咗10%糖關係,士多啤梨比較酸,同埋酒味濃.
而橙就OK,祗有些少澀味
較新的文章
較舊的文章
首頁
訂閱:
文章 (Atom)