獨自一人慶祝生日

以前後生生日就會好期待同朋友一齊去慶祝,後來已經降到祗係會放一日假攤抖吓,唔想生日都做到好似隻狗咁,今年開始想自己一個人靜靜地渡過,唔再攪任何活動,遷就奄尖大少放假,星期日買啲海鮮自己兩個人撐枱腳食,今朝起身見到檯面有一張生日卡,都算佢有心喇.

睇吓都幾靚架,內裡文字就不便公開喇.

今日晏晝就出街食自己鍾意日本定食,仲加埋一客軟殼蟹手卷,不過太肚餓,食晒無影到相,好少一個人食咁多野,不過就好滿足.

仲買咗呢本蛋糕書俾自己做生日禮物添,就算唔整睇吓都幾賞心悅目吖.