柚子蜜戚風蛋糕

新年過後,天氣晴朗又和暖番,於是開工練習吓,焗咗呢個柚子蜜戚風蛋糕,不過攪完蛋糕漿,先諗起未切柚子條,如果唔切碎,分分鐘會沉底,唯有死死地氣用匙羹逐條撈番出嚟,切碎再倒番入去,幸好焗出嚟OK,試食後都幾好味,保持水準喎.

剛焗好出爐,有少少裂紋,不過反轉後呢個係底,所以唔太靚都無乜所謂.

睇吓甩模後反轉個樣都幾掂.


切開蛋糕都幾有彈性,味道唔錯,幾好食又健康,祗係落咗芥花籽油咋.