斜紋格仔蛋糕卷

前排買咗本彩繪蛋糕卷書,齋睇唔郁手做,好似唔係咁好,今日就決定開工大吉.
首先要焗個蛋糕體先,最晒工夫時間係呢部份,顏色越多分次焗次數就越多,而且又要調色,喞花或線條,加上我係新丁,好少喞花更加雞手鴨腳,不過最終都完成到,真係自己都鬆一口氣.

呢個蛋糕體係用戚風蛋糕,我再加埋用蒸焗法,所以蛋糕比較棉密同軟身.

攤凍後再捲入內餡,放番入雪櫃雪至硬身.

呢個蛋糕卷除咗外觀,仲好有內涵架,內餡係芒果忌廉,因為我切呢兩片係頭尾,所以個樣肉酸D.