改良少油版-乾炒牛河

乾炒牛河如果係酒樓,飯館食,一定落好多油,食完碟底仲有成層油,所以好少係出面食,不過見到網友有post過改良健康版乾炒牛河,又心郁郁試吓自己整,睇吓效果如何?
材料都係個幾樣,不過關鍵在預先用老抽,豉油,糖混合後再同河粉撈勻醃一陣,等佢入味同埋有色,用極少油炒芽菜,牛肉醃時已加入少量油,所以唔駛用太多油炒,跟住將醃過河粉一齊加入炒埋一齊,唔駛再加油落去炒,因為炒粉本身已經有油免黏,最緊要係鑊一定要夠熱,夠猛火急炒再加些少麻油竟更香.

眨吓眼已經炒好有得食喇,味道都OK喎,偶然放縱吓自己都唔錯架.