又到包糉時候

今年端午節閏月,所以遲到6月尾先到,天氣已經好熱,考慮咗好耐包唔包糉好呢? 但奄尖大少好少欣賞我整嘅野,除咗蘿蔔糕,同埋糉之外,一年一次唯有都係包喇,不過要開行冷氣嚟做野,都幾唔環保架.

自己包得咁辛苦,當然餡料要豐富啲先可以抵償番人工.

今年已經係第5年包糉,回想番第一次真係難包到呢...包完散晒又從頭再包,結果隻糉好似大雜會咁,所有野撈埋一埋,真係核突到呀...,而家雖然唔算包得好好,至少已經無漏餡,漏米出嚟,叫做過得去,仍然好似以往咁,分開無鹹蛋黃俾奄尖大少,全隻鹹蛋黃嘅俾我兩位老友,半隻鹹蛋黃就係自己同俾阿媽.

至於解開呢隻係最後包嘅糉,將剩餘餡料,多綠豆,少糯米,全部包埋一齊,好似大雜會咁,不過仍然好好味,因為無放入雪櫃冷藏,比較軟滑, 自己試頭啖湯先嚕...