蒸包又煎餅

之前買咗一包中筋粉,本來準備想整法包,但又拖吓無乜心機整,為咗唔好過期浪費咗,決定蒸中式韮菜肉包,順便試吓煎埋厚切蔥油餅.

包好後正在發酵中,今次洋為中用,用了低溫中種發酵法

今次發酵得唔錯,蒸好後連蒸籠都迫爆,而且包皮夠白.

趁熱立刻切開食一個先,真是餡多皮薄, 正!

與此同時,將另一份麵團打好, 加入酵母,再捲入香蔥粒,麻油,少許鹽捲好.

再用酥棍輾開,灑上芝麻作最後發酵.

但火太猛結果外層煎得較燶,幸好內裡仍然好軟熟,就當係我今天午餐了.