法包

基本上係屋企用家庭式焗爐,無蒸汽,又無石板,好難做得好標準法包,我都唔例外,祗係盡力而為, 今次用咗日本名廚西川功晃食譜,不過無用酵頭,而改用打好麵團後,以17小時低溫發酵,翌日早上再從雪櫃攞出嚟室溫回暖約個半鐘,切割後再靜置30分鐘做型,最後發酵40分鐘,然後切割痕,而焗包方法就參考另外一個方法,噴水3-4次後,加入一盤熱水,隨即熄火5-7分鐘,令介紋爆得好啲,再開爐焗多7分鐘.

因為無雙"S"模具,主要係焗爐太細,唔啱用,結果底部唔夠脆,要再番焗包底.

切開睇吓麵包組織都算合格,而勉強叫做皮脆肉軟,但離標準就差好遠,無法解決,除非再買石板同雙"S"模可能會好些喇.