同格仔餅機開張

今日終於有時間,心情開部新格仔餅機嚟玩,粉漿唔難開,不過最好過篩,令到粉漿幼滑啲,格仔餅機都唔難用,不過雖然兩面都有發熱線,但面個邊好似唔係好上色,但底已經開始金黃色,下次再挑戰吓其他做法.

搽上煉奶,花生醬就成為奶醬格仔餅,好味之餘,都係個句,少食多滋味,自己落咗乜野自己知嘛.

新鮮出爐-波蘿包&熱狗包

原本淨係想整熱狗包用來夾香腸,但心血來潮,突然間想食菠蘿包,於是即刻搓份菠蘿皮蓋上面,出爐後稍為攤凍,即刻食咗半個,果然菠蘿皮夠鬆脆,好味