秘製豉油雞

見到朋友係FBpost整豉油雞,而我自己都好鍾意食,所以問佢攞咗食譜,再改良吓,做法就跟咗阿蘇,即係每5分鐘將雞轉面一次,共4次,最後雞胸,雞背再轉多一次,咁就熟得均勻啲.
可惜隻雞有少少甩皮,不過自己食就無乜所謂,況且我哋唔食雞皮.

攤凍後就斬件,再淋上過濾過雞汁,就可以食嘞.

加多碟菜,就可以開餐嚕...結果碟雞兩個人差不多食晒,証明都唔錯喇.