夏日甜品-椰汁西米糕

天氣炎熱,又係開始停工製作美食時候,祗不過見到之前買落西米擺係度已經好耐,現成又有其他材料,於是就整咗呢款甜品.泰式做法應該用班蘭葉摺兜,但唔係送俾人食,好似好浪費,班蘭葉若果唔煮過,香味唔會好出,所以祗係用玻璃兜載就算嘞.

其實呢款甜品最晒時間係煮西米,又要焗到透明,又要用凍水或冰水再沖水,去除膠質,令口感爽口啲,今次用咗椰糖漿+粟米粒.

再將椰汁加糖,生粉水煮至杰身,倒上面鋪平雪凍就食得,可惜椰汁漿太少,結果糕面唔夠平滑.