啡色西樵大餅?

 其實係棵麥全麥包,用埋天然酵母酵種,經過我不斷嘗試改良,參考其他高手網誌後,
1) 今次攪麵團時間縮短約7-8分鐘,水份亦成70%,跟住室溫每半小時向四邊折疊5-6次,室溫再放一個鐘,放番雪櫃一晚
2) 朝早攞番出嚟回暖兩個鐘,可惜麵團勁黏手,就算鋪布都黏實,最後求其灑上黍米粉放入爐
3) 石春同埋焗盤預早加熱至250度,放入麵團後,立即倒入200g暖水,10分鐘後移出石春焗盤,再將麵團焗盤移上中層,降低爐火至220度,焗多10分鐘就得嘞.
都係要快些買番個滕藍發酵先,今次算做得比較好,睇吓包肉啲大洞洞,好濕潤軟熟,同歐陸包有9成接近,亦令到外皮薄脆啲,連屋企奄尖人都話今次幾好食, 一切開已經食咗1/4個,明朝仲帶埋返工當早餐食添,真係捧場.