仍然用天然酵母酵種(天酵種),喜歡麵包組織有質感,真係好難再用番乾酵母,難怪用開天酵種網友話係條不歸路,而家明白點解,我多謝送咗天然酵母俾我嘅老友,如果唔係,我未必會開始用.我用開17小時低溫發酵方法,所以又唔覺得幾麻煩咋,都係用兩日,第一日係雪櫃倒出要用酵種一半份量,另外一半份量加粉,水或少少糖,咁酵種會生猛些,放係室溫3-4個鐘後,再加入其他材料打成麵團,室溫發酵約2-3個鐘,放番入雪櫃一晚,第二日攞麵團出嚟,擺係室溫回暖約兩個鐘,整形作最後發酵至約1.5-2倍,放入焗爐焗就攪掂,所以唔覺得咁難.
沒有留言:
張貼留言