蕃茄肉醬意粉-自製意粉

今日主要同部新麵條機開光,祗係做咗一半份量,怕唔得,不過原來真係好容易用,將麵粉倒入攪拌箱內,再沿蓋邊慢慢加入蛋液,水,少少油,3-4分鐘停機.

再等1-2分鐘後按壓麵掣就開始見到麵條出,機下面田四方空格會有風出,用作吹乾麵條,不過我仍然不停加生粉,令意粉唔好黏埋一齊.

最後麵條出晒就按關掣熄機,但拆開清洗時出麵條洞仲有好大舊麵團,下次記得攞番出嚟用刀切成麵條,否則會好浪費.

麵條比較硬身,要煮成8分鐘以上,下次可能要改用細啲麵條模,加埋之前蕃茄肉醬食,麵條夠煙韌,好味,以後可以隨時整不同麵食嚕....