蛋黃蓮蓉月餅

轉過嚟之後,終於開始寫第一篇飲食網誌,一年容易又中秋,我已經幾年無整月餅,因為整完後頭痛要送俾人食,又唔知人哋是否鍾意食?自己又食唔得咁多,今年又心思思想整,於是6月已開始煮定轉化糖漿,用檸檬汁天然些,驚買番嚟嘅用工業用醋精之類,而蓮蓉都係自己炒,少油少糖,叫做健康些,有大有細,分別係半隻或全隻蛋黃,細隻就送俾朋友試吓.