淘寶網購-足療機

上個月淘寶5大物流公司舉行¥1搶集運，包首3公斤，又唔收住宅／扁遠地區費，抵到爛，同朋友一齊搶，結果搶到3次。

原本想買部足浴機，但再三考慮清楚，因為要入水／放水，又要拖出／拖入，恐怕自己用唔到幾耐怕煩就擺埋一邊，最後趁咁平運費，就決定買咗呢部足療機，因為過咗3公斤都係計續重價錢，昨日收到打開，發覺比想像中大部，，試用咗約15分鐘，點知食完飯，沖完涼已經超眼瞓，九點幾已經忍唔住睡魔急call,要上床瞓，今朝起床，都仍然好攰，加上下半身好酸軟，呢啲唔知係咪排毒反應呢？我會試多幾日，希望能改善睡眠質素。