原本今日晏晝想包水餃食，點知一時忘記將椰菜絲淖軟身再同餡料混合，結果包咗兩隻已經投降，最後將燒餅粉，蛋混埋一齊，煎燒餅食就算，隨遇而安好了。
原因係朋友俾咗另一個蘿蔔糕食譜我,水/粉量比例不同,所以我想比較一下,佢呢個食譜係將粘米粉/栗粉混合後,當煮滾蘿蔔絲後熄火,將臘味,蝦米加入後再灑粉撈勻,我擔心粉漿灑入不均勻,結果我寧願用水先開粉,而當煮蘿蔔絲時,再扣回開粉漿水份,但唔知結果如何? 因為明日攤凍後切開先知,今次我無加冬菇,因為話加咗會容易變壞,我又試下係咪先.
其實可以日日都係green day, 今朝一早收到有心人送嘅自家種油麥菜/西蘭花,新鮮真係零舍不同,呢度可以夠食兩/三餐,呢排菜價咁貴,真係慳番唔少, Good!
過年後生果檔通常都會有柑桔賣,我喜歡柑桔清新味道,所以每年都會煮果醬,可以搽麵包,焗蛋糕或麵包,什至乎沖水飲都好美味架.
