早排買咗包米麴,自製豉油麴,係網上見到有網友話可以加飯,糖,水發酵成酵液焗麵包,既然有存貨,梗係要試下,發了30個鐘後,仍然好少泡泡,於是用保鮮紙遮蓋樽口,再用牙簽拮洞,果然6個鐘後已活躍好多,於是立即隔出汁液打麵團,發酵兩個鐘後就放入雪櫃,繼續低溫發酵, 今朝先攞出嚟室溫解凍,約過了一個鐘後就分割麵團作最後發酵,需時都要成兩個鐘,用番平時土司模,焗爐溫度/時間相同,點知焗好打開蓋,完全深啡色,真係唔明係咪因為米飯麴酵液原故,攤凍後明日食之前片去外皮好了,有啲無奈,唉!
米飯麴發酵情形,不過我無再續養,都係用番原本星野液種算嘞.
睇下幾深啡,旁邊仲爆皮添
沒有留言:
張貼留言