一包兩吃

昨晚飯後,無端端突然想食菜肉包,於是即刻係雪櫃攞出天酵喂粉,又將冰格免治豬肉搬回普通冷藏格解凍,今朝食完早餐,就開始攪大龍鳳,因為天酵發得比較慢,終於食晏前完成,我將一部份做生煎包,另一半就蒸菜肉包,生煎包呢..剛煎好即食,包底夠脆,好香口,而蒸菜肉包就夠鬆軟,不同口味,咁就可以滿足到自己,其實生活有時真係可以好簡單就快樂.