班蘭咖吔醬

我以前煮過一次,同今次食譜大同小異,不過唔知係咪我買蛋較細?結果用多3隻蛋黃,而且煮完杰身後我再用攪拌機攪多一次,咁醬會較幼滑,不過都用咗好耐時間,因為怕太高溫會煮到好粗鞋,要慢火慢慢攪,不過自己煮勝在百份百天然,無添加,好味!

藍莓餐包

終於有番啲mood整下野食,夏天實在太熱,完全根本唔想郁, 見有藍莓乾存貨,雞蛋又想快啲消除,所以昨日搓好麵團,低溫冷凍一日後,今朝開工,祗係焗爐太細,包迫到呢...變晒形,不過自己食就算喇,影響不大.