懶人叮飯-紫菜青瓜蟹柳絲飯

前排行過759見到有韓式叮飯賣,買咗一盒試下,現在天氣咁熱,真係有米懶煮,今日就加咗紫菜,青瓜,蟹柳絲,用飯素+麻油撈叮飯一齊食,味道幾好,飯軟硬適中,好過上次買日本叮飯.

夏日消暑特飲-香茅檸檬蜜糖水

昨日農夫剪了一堆香草,曬乾後諗住留作日後使用,我見到有香茅,屋企又有檸檬,蜜糖,於是就剪碎一支香茅,加冰水打爛,過濾渣滓後,加檸檬/蜜糖飲,味道清新,都幾好飲喎.

香腸蛋卷

為了唔想晒咗朋友一番心意,又攞部蛋卷機出嚟用,今次加香腸,效果好些,蛋卷熟時可以自動升起,而且之前混合蛋漿再倒入筒中,蛋質感嫩滑些.