韓式炆牛筋骨

見網上好多人都整,話水梨同牛好夾,咁我就一於試下,集各家之大成,急凍牛筋條解凍後,用水喉水過清血水,再跑活水,然後略為煎香下,就落蒜片,蔥頭,薑片,味琳等爆香味道,繼而落水梨茸/洋蔥茸,加少少水做汁去炆,代替糖,而且加上栗子,紅棗,紅蘿蔔,洋蔥等,分批跟時間落,煲30分鐘焗20分鐘,再開火煲,落埋其他配料,直至夠淋身,最後較調味,我落咗好少韓式辣椒醬,味道好清甜,而且菜多肉少,比較健康,啱我口味.