自製手工檀香薑皂

我已經好耐無打皂,因為覺得皂液好用啲,又多變化可以隨意組合,事緣上星期去同朋友一間有機食生嘅店鋪,發現鋪內一角售買嘅手工薑皂,祗不過包含椰子油,可可脂之類,重量應該約70-100g左右,竟然賣到$100/1塊,嚇得我呀,那麼昂貴,所以今個星期某一天比較得閒,就搬出打皂工具,打了約600g皂,可切成6塊,其中兩塊已送咗俾朋友用,心情好似賺咗好多咁.哈哈!