健康粟米方包

話說上星期BBQ買多份粟米,於是將幾條蒸熟放係冰格內,咁就容易保存啲,昨日搓麵團時,順便攞一條解凍,2/3用嚟打汁代替水份,1/3切成粗粒混入麵團內,今次無用酵種液,因為天氣凍又唔想等咁耐,用番速酵,不過比標準減咗1/3,因為我用低溫冷藏發酵,等今朝先回室溫,整形焗,出嚟效果唔錯,切開麵包試食都好軟熟,証明自己都寶刀未老.哈哈!