夏日消暑最佳拍檔

天氣咁熱,真係好難唔食雪條/雪糕之類,趁上淘寶買家庭用品,順便淘咗個雪條模,今日就同佢開張,整咗幾支椰汁紅豆雪條,真材實料,無添加,食得放心,仲幾好味,唔錯.

首次夜遊香港迪士尼

自從香港迪士尼開幕到現在,我從未去過,因為前幾年去旅行時,分別去過LA+東京成3次以上,加上票價咁貴,自己對迪士尼卡通人物興趣不大,所以就無打算去,今次適逢家人有免費入場卷,但天氣太熱,所以選擇黃昏時先入場,今日係平日關係,遊客不算多,機動遊戲都好快可以排到,但我無玩,祗係四圍行下,再去食餐預料中貴價晚餐,但唔等於好食囉,跟住戲肉就係等睇夜晚廵遊表演, 雖然人物唔太熟識,但燈光好靚,應該好睇過中午,之後就離開喇,祗係到此一遊.