復活節假期第一擊-二人BBQ

一連5日復活節+清明節假期開始喇,由於無打算外遊,天氣亦開始越來越熱,所以趁現在仍未咁熱,決定BBQ, 唔好問我點解兩個人準備咁多食物?講真我都懷疑,事關唔係我話事,係某人樣樣都想食,所以...攪到滿檯都係.

好椰班蘭方包

我好鍾意班蘭味道,所以又買咗新鮮班蘭葉,椰子同班蘭味道好夾,所以今次為咗增強味道,分別用咗椰糖,椰子油,椰汁加班蘭葉攪爛,再壓榨汁液代替水份,果然焗完出爐,滿室皆香,好正,當然食落都好好味,尤其搽上之前自家製班蘭咖吔醬,味道更上一層樓.