楓蜜甘荀包-麵包機

前日焗嘅蘿勒菠菜芝士咸包,昨日終於順利送咗俾人食,所以又要繼續焗包,由於知道落咗冷飯湯種非常黏稠,因此就搬出麵包機代勞.

材料有磨好紅蘿蔔絲,楓蜜糖漿,砂糖,雞蛋,牛奶,筋粉,仲有無鹽牛油,冷飯湯種(無係圖中)等.

磅好所有材料,就可以全部放入麵包機內攪lu...睇吓變咗橙色喎.

但.....唔知點解焗完出爐後?成個麵包竟然下陷,坐低成吋有多,攪乜呢?

攤凍後切開,食味都OK,但好似鬆餅,唔多似平時食麵包嘅口感,呢排都係唔用冷飯湯種住,再研究一下先.