中日素食-第六課_日本壽司&綠茶草餅

今日學嘅係包壽司&綠茶草餅.

其實兩樣我自己係屋企都整過,過程大同小異,由於係素食,所以壽司材料都係以素為主,包括有素魚生,素飽魚,素肉鬆,日本黃蘿蔔,青瓜等等.

包法就可以用竹蓆捲起後切片,或用紫菜條捲住飯團,中間包片狀嘅材料,至於珍珠米浸透後就隔水蒸熟,再落醋,糖,鹽,麻油等調味,攤凍就可以包啦.

呢啲係我包嘅壽司,捲得唔夠實,比較鬆散.

再睇吓Miss示範啲幾靚.

至於綠茶草餅,就係將糯米粉,澄麵粉,花奶,砂糖,綠茶粉混合後蒸熟,再將粉團包入豆沙餡,滾上椰絲或綠茶粉+片栗粉,就係咁簡單咋.