自家混醬-青瓜雞絲粉皮

感冒咗差唔多兩個禮拜,仍然未全部好番,無乜胃口,所以今日晏晝就整咗呢個清清地嘅麻醬青瓜雞絲粉皮.

將雪藏雞柳肉加些少調味,胡椒粉,鹽,燒酒等蒸熟後,用手撕開成為雞絲,最好唔好貪快用刀切,食落口感無咁好,會比較鞋啲.

青瓜去皮或者連皮,去囊切絲,我用乾粉皮,所以要用滾水浸一陣,約4-5分鐘,浸軟身後再用冷水浸,令粉皮爽口啲,隔水切成條狀

我自己就用麻醬,花生醬,豉油,糖,烏醋等混合成醬汁,淋上面就食得,都好方便同容易做.