第一次整白糖糕-失敗咗!

其實我都鍾意食白糖糕,但之前見到食譜要發成10幾個鐘,發糕種都幾麻煩,所以從未整過,呢兩日見有啲網友用另一個食譜,好似簡單啲,於是今日就試吓.

今朝一早就煮咗個麵糊,跟住加酵母液同泡打粉.

呢個係發咗兩個鐘嘅樣.

呢個係已經發咗6.5個鐘,多咗好多泡泡.

跟住將麵糊倒落方形糕盤再放入蒸籠蒸.

蒸好就係呢個樣,好似好掂咁.

但一食落,嘩!又酸又好似有肥皂味,完全唔得,要全部倒哂落垃圾桶.

再係網上搜索吓其他網友失敗經歷,我覺得失敗有以下原因:

1)我煮麵糊太熟起粒粒,要用水再開稀篩過先用得.下次會試吓另一網友方法,用滾水撞入粉同糖中,唔煮.

2)今日溫度25-26度,唔應該發咁耐,下次發兩個鐘左右再立刻攞去蒸.

有時間我會再試過整.