詢眾要求整嘅桂花糕

呢個桂花糕係應奄尖大少要求整嘅,因為佢係天台自家種咗幾盤桂花,每當開花時,佢就好勤力去摘,之後仲要風乾先至可以用來泡茶或整糕點.

其實桂花糕都好簡單易整,首先將乾桂花加水滾一陣,再焗一陣,等佢出味,再隔去桂花加糖煲至溶解,之後將果凍粉倒埋入去,當完全見唔到顆粒就可以熄火,攤凍至溶液杰身,加番少許桂花落去攪勻,就可以倒落啫哩杯或者其他容器中,放落雪櫃雪至硬身就食得lu..

雖然我已經減咗糖,不過奄尖大少仍然話甜啲喎,真係一個無改錯花名嘅人.

昨日已經食咗兩杯,今日食埋呢兩杯就清倉嘞.