韓式炸醬麵

成日睇韓劇,見到佢哋食炸醬麵好似好好味咁,聽講係尖沙咀韓式餐廳食要$50幾蚊一碗,偶然係網上發現韓式炸醬麵食譜,見到都唔難整,一於DIY試吓整先.

材料包括有豬肉碎,洋蔥,紅蘿蔔,椰菜切粒/片,最緊要有韓式黑麵豉

首先用油炒熟醃過豬肉碎盛起,再爆香麵豉醬,要灑酒,跟住炒香洋蔥至軟身,加埋椰菜,紅蘿蔔粒,加入麵豉醬,將豬肉碎回鑊,加水煮至紅蘿蔔粒軟身,水份開始杰身,加糖,用生粉或粟粉打獻就可以熄火嘞.

將白麵條淥熟,過冷河,放係碟上,加青瓜絲,蛋絲,炸醬就食得.

味道唔錯,不過原來麵豉醬都幾辣,好彩煮到中途試味發現,即刻倒咗一半汁,再加番一半水溝稀,先至可以食得入口咋.